२०८१ माघ २६
रुपन्देहीको सैनामैनामा जारी सैनामैना दुधराक्ष कप क्लब स्तरीय राष्ट्रिय पुरुष भलिबल प्रतियोगितामा मणिमुकुन्द भलिबल क्लबले लगतार दोस्रो जित हात पारेको छ ।
दुधराक्ष युवा क्लबको आयोजनामा शुक्रबारदेखि सैनामैना ६ कलौनीमा सुरुभएको प्रतियोगिताको दोस्रो खेलमा आज गल्कोट भलिबल क्लबलाई ३–१ को सेटले मणिमुकुन्द भलिबल क्लबले हराएको हो ।
प्रतिस्पर्धात्मक भएको पहिलो सेट २८–२६ ले गुमाएको मणिमुकुन्दले त्यसपछिका तीन सेट आफ्नो पक्षमा पार्न सफल भएको हो। मणिमुकुन्दले दोस्रो सेट २५–२०, तेस्रो सेट २५–२१ र चौँथो सेटमा २५–२१ अंक जोड्दै जित हात पार्न सफल भयो ।
अब भोलि देखि प्रतियोगितामा दुई खेल हुने खेल संयोजक राजकुमार चौधरीले बताउनुभयो । चौधरीका अनुसार पहिलो खेलमा बिहान ११ बजे कोशी प्रदेश भलिबल क्लब र गल्कोट भलिबल क्लब खेल्नेछन् । दुवै टोली प्रतियोगितामा पहिलो जित हात पार्ने उद्देश्यका साथ मैदान उत्रने छन् ।
त्यस्तै, भोलि हुने दोस्रो खेलमा दुई विभागिय टोली एपीएफ क्लब र नेपाल पुलिस क्लब भिड्नेछन् । खेल दिउँसो १ बजे सुरु हुनेछ ।
खेल प्रतियोगिताको उद्देश्य स्थानीयस्तरमा भलिबल खेलको विकास, खेलाडीहरूको क्षमता अभिवृद्धि, र युवाहरूलाई सकारात्मक मार्गमा उन्मुख गराउनु रहेको क्बलका अध्यक्ष किरण पोख्रेलले जानकारी दिनुभयो ।
प्रतियोगिताको बिजेताले ५ लाख ५५ हजार ५ सय ५५ सिल्ड मेडल र प्रमाणपत्र, उपविजेताले ३ लाख ३३ हजार ३ सय ३३, तृतीय स्थान हासिल गर्ने टोलीले १ लाख ११ हजार १ सय ११ रुपैँया, मेडल र प्रमाण–पत्र तथा सान्त्वना हुने टोलीले ५५ हजार ५ सय ५५ रुपैँया, मेडल र प्रमाण–पत्र प्राप्त गर्ने छन् । यसका साथै, उत्कृष्ट खेलाडीलाई १५ हजार ५ सय ५५ ,स्पाईकर ,डिफेन्डरलाई ,ब्लकर, सेटर, प्रशिक्षकलाई पनि ७ हजार ७ सय ७७ रुपैँया गरी बिभिन्न विधाहरुमा पनि विशेष पुरस्कार प्रदान गरिने व्यबस्था गरिएको आयोजकले जानकारी गराएको छ ।
प्रतियोगितामा त्रिभुवन आर्मी कलब , नेपाल पुलीस क्लब, नेपाल ए.पि.एफ.क्लब , गण्डकि प्रदेश भलिवल संघ, कोशी प्रदेश भलिवल संघ , गल्कोट भलिवल संघ , मणिमुकन्द भलिवल संघ गरी ७ टिमको सहभागिता रहेको छ । शुक्रबारबाट सुरु भएको प्रतियोगिता फागुन ३ गतेसम्म चल्नेछ ।
